An tAthbhreithniú Cobhsaíochta Airgeadais II 2019

Toisc gur geilleagar beag, oscailte é geilleagar na hÉireann, tá sé leochaileach do thurraingí ó thar lear. Measann an Banc Ceannais go n-eascraíonn na príomhrioscaí don chobhsaíocht airgeadais intíre as forbairtí seachtracha agus go bhfuil na rioscaí seachtracha sin ardaithe faoi láthair.

Ar na rioscaí struchtúracha, áirítear an fhéidearthacht leanúnach go mbeidh Brexit mí-ordúil ann agus an riosca go mbeidh athruithe ar an timpeallacht idirnáisiúnta trádála agus cánach. Eascraíonn rioscaí timthriallacha as an bhféidearthacht go mbeidh daingniú tobann ar dhálaí airgeadais domhanda. Leis an titim ar rátaí domhanda úis ó foilsíodh an tAthbhreithniú deireanach, maolaítear an imní a bhaineann le hinbhuanaitheacht fiachais sa ghearrthéarma ach cruthaítear leochaileachtaí sa mheántéarma trí thaca a chur faoi mhéaduithe breise ar luachálacha sócmhainní atá ard cheana féin agus faoi chuardach leanúnach torthaí. Sa chríoch baile, tá an geilleagar ag druidim i dtreo na lánacmhainneachta agus tá fás leanúnach ar iasachtú, rud a thugann le fios go bhfuil carnadh céimseach riosca thimthriallaigh ann, agus tá an fhéidearthacht ann go nglacfar rioscaí comhthimthriallacha in éagmais Brexit mí-ordúil.

Féach freisin: 

• Athbhreithniú Macra-Airgeadais

• Preaseisiúint maidir leis an Athbhreithniú Cobhsaíochta Airgeadais